հայերեն
русский
english
Թարմ և որակյալ
Ամենօրյա սպասարկում
Կանխիկ և անկանխիկ վճարում
Էկոլոգիապես մաքուր
Ջի Էյջ Առ Սերվիս ընկերությունն արդեն երկար տարիներ մասնագիտացված է ռեստորաններին և հասարակական սննդի օբյեկտներին թարմ սննդի և անհրաժեշտ տնտեսական ապրանքների մատակարարման ոլորտում: Միս, բանջարեղեն, թարմ միրգ և Ձեր գործունեության համար անհրաժեշտ մյուս սննդատեսակները: Դուք կարող եք պատվիրել այս կայքի միջոցով կամ հեռախոսով՝ վստահ լինելով, որ Ձեզ կառաքվի միայն թարմ և էկոլոգիապես մաքուր սնունդ:
Ձուն հարել , ավելացնել աղը, գոլ կաթը , անընդհատ հարելով ավելացնել ալյուրը և խառնել այնքան , որ գնդիկներ չմնան, հետո ավելացնել բուսայուղը և թխել բլիթները ։ Միջուկը պատրաստելու համար կարտոֆիլը եփել , տրորել , աղ ու պղպեղ ավելացնել։ Սոխը կտրտել , տապակել բուսայուղով , ապա ավելացնել կտրտած սունկը և շարունակել տապակել։ Որից հետո վրան ավելացնել կարտոֆիլը , թթվասերը և եփել 7-10 րոպե թույլ կրակի վրա։ Պատրաստ լինելուց հետո հովացնել ։ Եփված զանգվածը գդալով դնել բլիթների մեջ , փաթաթել և տապակել բուսայուղով։
Խառնել ջուրը և մածունը՝ մինչև միասեռ մասսա դառնալը: Առանձին խառնել ձուն, ալյուրը, քիչ-քիչ բացել թանով, ավելացնել ձավարը, աղը և եփել մարմանդ կրակի վրա: Մինչև եռալը պետք է շատ հաճախ, ցանկալի է՜ անդադար խառնել, որպեսզի չմակարդվի: Եփել մինչև ձավարի պատրաստ լինելը: Ավելացնել կանաչին: Մատուցել թթվասերով:
Կարտոֆիլը մաքրում ենք, վրան կտրվածքներ ենք անում։ Աղով և պղպեղով համեմում, վրան բուսայուղ ենք ցողում։ Դնում ենք տապակի մեջ և 40-50 րոպեով տեղափոխում ենք ջեռոցի մեջ։ Կտրվածքների մասում թերթիկները չենք բացում, դրանք եփվելու ընթացքում ինքնստինքյան կբացվեն։ Մատուցելիս վրան կտրատված կանաչի շաղ տալ: Այսպիսի կարտոֆիլ պատրաստելիս, ջեռոցի ջերմաստիճանը նպատակահարմար է 180-200 աստիճան լինի։ Եփվելու ընթացքում քունջութ ավելացնելու դեպքում մեր ուտեստն ավելի համեղ և օգտակար կդառնա:
Կաղամբը կիսաեփ անել , և մանրացնել բլենդերով։ Ստացված զանգվածին ավելացնել ձուն, սպիտակաձավարը , ալյուրը , սամիթը, աղն ու պղպեղը , լավ խառնել ։ Ստացված զանգվածից պատրաստել կոտլետներ և շարել ջեռոցի յուղած տապակի մեջ ։ Կոտլետների վրա շաղ տալ քերած պանիրը։ Եփել 180 C տաքացրած ջեռոցում։ Սոուսը պատրաստելու համար սերուցքին ավելացնել մանանեխի ու կիտրոնի հյութը և լավ հարել։ Պատրաստի կոտլետները մատուցել սոուսով։
